Глыбокае каханне

З Янушам, упэўненым у сабе, актыўным шасцідзесяцігадовым мужчынам, які да ўсяго іншага з'яўляецца яшчэ і дайверам, здараецца інсульт, і яго паралізуе. Ён пачынае патроху рухацца дзякуючы курсу рэабілітацыі і сталаму догляду яго жонкі Асі. Яму яшчэ складана даецца гаворка, таму Ася, якая адзіная разумее яго, выступае ў якасці «перакладчыка» для навакольных. Але ў Януша ёсць мара, якая надае яму сіл: хаця б раз ізноў спусціцца пад ваду, нягледзячы на ўсю небяспеку такой задумы. Яго мэта – «Блакітная пячора», падводная пячора непадалёк ад Дахаба ў Егіпце, месца, якое не пад сілу нават здароваму дайверу.