Акрэдытацыя

Для таго, каб працаваць на пляцоўках Мінскага міжнароднага кінафестывалю «Лістапад», прадстаўнікам СМІ трэба прайсці працэдуру акрэдытацыі.

Акрэдытавацца могуць журналісты, кінакрытыкі ды кіназнаўцы, якія рэгулярна выступаюць у друкаваных выданнях, блогах, анлайн-медыя, радыё ды ТБ.


Што дае акрэдытацыйны бэдж:


  • праход на кінапаказы (па папярэднім запісе);

  • удзел у мерапрыемствах кінафестывалю (сустрэчы з кінематаграфістамі, лекцыі ды майстар-класы, дыскусіі, мерапрыемствы Індустрыяльнай платформы);

  • магчымасць браць каментары ды рабіць эксклюзіўныя інтэрв'ю з гасцямі кінафестывалю.


Што акрэдытацыйны бэдж не гарантуе:


  • запрашэнні на цырымоніі адкрыцця ды закрыцця кінафестывалю;

  • праход на вечаровыя кінасеансы на асноўных фестывальных пляцоўках;

  • інтэрв'ю з гасцямі, якія не жадаюць ці не могуць камунікаваць з прэсай.


З боку журналіста акрэдытацыя прадугледжвае:


  • выхад не менш за пяць публікацый (сюжэтаў) з 1 кастрычніка па 15 лістапада; 

  • пры магчымасці – узгадванне арганізатараў ММКФ «Лістапад» і Генеральнага партнёра фестывалю; 

  • ўзгадненне тэксту інтэрв'ю з Дырэкцыяй і гасцямі «Лістапада» перад публікацыяй. 

Каб акрэдытавацца на 27-ы Мінскі міжнародны кінафестываль «Лістапад», трэба запоўніць заяўку. Спасылка на заяўку з’явіцца ў пачатку жніўня.

Аўтарам, якія ніколі раней не асвятлялі Мінскі міжнародны кінафестываль, прапануецца акрэсліць прыкладны план будучых публікацый. Калі заяўніку трэба прымацаваць файлы, што пацвярджаюць працу на кінафестывалі ў мінулыя гады, просім адправіць іх асобным лістом на e-mail listapadpress@gmail.com з тэмай «Акрэдытацыя. Вашы імя ды прозвішча».

Заявы з некарэктнымі адказамі на абавязковыя пытанні прэс-цэнтрам не разглядаюцца. Пра вынікі разгляду заявы на акрэдытацыю мы паведамім па пошце.

Пытанні, звязаныя з працэдурай акрэдытацыі, дасылайце на listapadpress@gmail.com.


Акрэдытацыя журналістаў адбываецца ў межах квот:


  • друкаванае выданне ды анлайн-медыя – не больш за двух чалавек (журналіст ды фатограф);
  • інфармацыйнае агенцтва – не больш за двух чалавек;
  • радыёкампанія – не больш за аднаго чалавека ад праекта;
  • тэлекампанія – не больш за трох чалавек ад праекта;
  • блог ад 4 тысяч падпісчыкаў – адзін чалавек.

Калі вас акрэдытавалі:


  • атрымаць акрэдытацыйны бэдж можна на прэс-канферэнцыі з абвяшчэннем праграмы кінафестывалю ці з 6 лістапада ў прэс-цэнтры фестывалю ў Falcon Club;
  • прадстаўнікі аднаго выдання могуць атрымаць толькі адзін бэдж;
  • у выпадках парушэння правілаў працы на пляцоўцы, у глядзельнай зале, падчас правядзення мерапрыемстваў акрэдытацыя выдання можа быць прыпынена або адкліканая;
  • у выпадку замены журналіста просім праінфармаваць прэс-цэнтр.