Прэс-цэнтр
Наш прэс-цэнтр працуе для таго, каб прадстаўнікі СМІ своечасова атрымлівалі патрэбную інфармацыю пра кінафестываль «Лістапад».
Звяртайцеся да нас, калі ваша пытанне тычыцца акрэдытацыі, інфармацыйнага партнёрства, праходу на кінапаказы і іншыя імпрэзы фестывалю, арганізацыі інтэрв'ю з прадстаўнікамі дырэкцыі ці гасцямі «Лістапада».
Звязацца з намі можна па пошце listapadpress@gmail.com.
У фестывальныя дні – з 2 да 9 лістапада з 10.00 да 19.00 – прэс-цэнтр будзе працаваць у Falcon Club (праспект Пераможцаў, 20).
Тэлефон «гарачай лініі» для журналістаў - 8 (044) 571-33-18. Званкі прымаюцца з 10.00 да 18.00.
Расклад прэс-імпрэзаў вы знойдзеце тут або ў сваёй паштовай скрынцы (каб падпісацца на рассылку, адпраўце запыт на listapadpress@gmail.com з тэмай «Падпіска»).
Дзелімся карыснымі спасылкамі для стварэння матэрыялаў пра фестываль:
1. Прэс-рэлізы
2. Фотасправаздачы з мерапрыемстваў
3. Кадры з фільмаў / фота кінематаграфістаў
Прагляд кіно
Прэс-паказы праходзяць у кінатэатры Falcon Club Буцік Кіно (прасп. Пераможцаў, 20). На ранішніх і дзённых сеансах у чатырох кіназалах адначасова будзе паказвацца пяць конкурсных праграм: Асноўны конкурс ігравога кіно, Асноўны конкурс дакументальнага кіно, «Маладосць на маршы», Нацыянальны конкурc, Конкурс фільмаў для дзіцячай і юнацкай аўдыторыі «Лістападзік».
Праход на конкурсныя фільмы з асноўнага раскладу (сеансы з 18.30 да 23.00) магчымыя пры наяўнасці вольных месцаў па папярэднім запісе за дзень да меркаванага сеанса.
Для таго, каб скарыстацца магчымасцю наведваць кінапаказы, пасля апублікавання праграмы 25-га Мінскага міжнароднага кінафестывалю «Лістапад» састаўце індывідуальны расклад і дашліце спіс фільмаў на пошту listapadpress@gmail.com.
У фестывальныя дні білетная служба для журналістаў будзе працаваць у Falcon Club з 10 да 19.00 штодня. Тэлефон будзе даступны з 1 лістапада.
Некаторыя правілы працы на пляцоўках:
1. На прэс-паказы ў кінатэатры Falcon Club Буцік Кіно гледачы, якія спазніліся, не дапускаюцца;
2. Падчас працы на пляцоўках фестывалю пажадана мець пры сабе акрэдытацыйны бэдж і дакумент, які сведчыць асобу (пасведчанне журналіста ці пашпарт);
3. У кіназалах пасля пачатку дэманстрацыі фільма забаронена фота- і відэаздымка.
Каб запісацца на інтэрв'ю з гасцямі:
1. Пакінуць заяўку на інтэрв'ю можна будзе на сайце пасля атрымання спіса чаканых гасцей. Супрацоўнікі прэс-цэнтра звяжуцца з вамі, каб пацвердзіць (ці, у горшым выпадку, не пацвердзіць) магчымасць інтэрв'ю ды агаварыць яго дэталі;
2. Поўны спіс гасцей фестывалю можна знайсці ў прэс-цэнтры або ў лісце адраснай інфармацыйнай рассылкі.