Фільм адкрыцця. Рока мяняе свет

Германія, 2019, 101 хв.

Рэжысёр

Каця Бенрат

Прадзюсер

Тобіас Розэн,
Хайке Віле-Цім

Cцэнар

Хілі Марцінэк

Правы

Beta Film, Renate Zylla

Аператар

Торстэн Бройер

У ролях

Луна Мары Максайнэр, Барбара Зукава, Каспар Фішар Ортман, Луіза Рыхтар, Лео Кніцка, Фахры Ярдым, Міна Тандэр, Майкл Мартэнс

Вытворчасць

Relevant Film, Warner Bros. Film Production Germany, Deutscher Filmförderfonds, Filmförderung Hamburg Schleswig-Holstein, Filmförderungsanstalt

У 11-гадовай Рокі вельмі цікавае і займальнае жыццё. Яе тата астранаўт. Ён працуе на касмічнай станцыі далёка ад Зямлі і не заўжды можа быць побач. Рока пераязджае да бабулі і ўпершыню ў жыцці ідзе ў школу. Дзяўчына больш за ўсё ў свеце цэніць справядлівасць, таму заўсёды апынаецца ў цэнтры ўвагі. Яна ўвязваецца ў канфлікт з зачэпамі ў класе, пачынае сябраваць з бяздомным, якога завуць Каспар, даглядае вавёрку і імкнецца здабыць любоў сваёй эгаістычнай бабулі. Аптымістка Рокка ў коле сяброў гатова даказаць усім, што нават дзіця можа змяніць свет.

ЎЗНАГАРОДЫ
2019 Нацыянальная кінапрэмія «Лола» (Германія) – лепшы дзіцячы фільм
2019 МКФ для дзяцей і юнацтва ў Зліне (Чэхія) – узнагарода за лепшы дзiцячы мастацкi фiльм; Прыз глядацкiх сімпатый; спецыяльная згадка міжнароднага i экуменічнага журы
2019 МКФ у Джыфоні (Італія) – Лепшы фільм (праграма «Elements 6+»)
ПРА РЭЖЫСЁРА
Каця Бенрат - 1

Каця Бенрат

Нарадзілася 1 верасня 1979 г. у горадзе Эрбах, Германiя. Працавала касцюмерам у балетнай трупе Піны Баўш. Кінарэжысура зацікавіла Кацю падчас вучобы ў Венскім універсітэце музыкі і выканаўчага мастацтва. Яе першыя кароткаметражныя фільмы з поспехам дэманстраваліся на розных міжнародных кінафестывалях і прынеслі ёй першыя ўзнагароды. Дыпломны фільм «Усе мы» заваяваў мноства ўзнагарод, сярод якіх студэнцкая прэмія Амерыканскай кінаакадэміі і намінацыя на «Оскар».

Абраная фільмаграфія

2019 Рока мяняе свет

2017 Watu Wote: Усе мы